Posted on Leave a comment

Kostumi i plazhit që vesha dje, është nga ata të gardërobës kapsulë

Nuk është çudi ose eveniment të kombinosh mbathjet e njërit kostum me sytjenat e kostumit tjetër. Sidomos kur ke nuanca thuajse të njëjta. Pikërisht ky lloj trendi është trumpetuar 3 sezonet e fundit.

Por të veshësh këmishë në plazh në vend të kimonosë? Shumë do thoshin “jo”. Disa sepse mendojnë që është zgjedhje shumë e zakonshme, të tjerë duan të jenë më të mbuluar sa i takon këmbëve. Unë dua prakticitetin. Dhe pak stil nga vitet ‘80-‘90.

E zeza kombinohet më së miri me jeshilen, trendin e momentit. Megjithatë kombinimet bardhezi nuk dalin kurrë nga moda, sipas Chanel. Këto sytjenat janë një nga blerjet e reja, por kurrë nuk i kam veshur me mbathjet e veta. Ndërsa këto mbathjet e zeza i kam qepur me një kanotjere të shkurtër me zinxhir metalik.

Mund ta vesh prapë edhe vitin që vjen, edhe atë që vjen pas tij etj. Është pjesë e gardërobës time kapsulë.

Posted on Leave a comment

Dua t’ju tregoj një sekret rreth skincare para udhëtimit me avion

Mund të them se sëfundmi jam kthyer në një fanse e fluturimeve me avionë. Nuk kam qenë më përpara. Kushdo që më njeh është familjarizuar me ankesat e mia para udhëtimeve. Ajri i thatë më krijonte çrregullim në pH e lëkurës dhe yndyrën. Shpesh herë më është dashur që gjatë udhëtimit, të vendos maska tek sytë ose sheet mask për gjithë fytyrën. (Tek ai tualeti 50cm me 40 cm i avionit).

Unë normalisht kam lëkurë mikse dhe shumë të ndjeshme. Fatkeqsisht skuqet shumë shpejt, qoftë dhe pas prekjes së lehtë. Dy herët e fundit, para nisjes për në aeroport, kam ndryshuar paksa rutinën. Në vend që ta laja me ujë në mëngjes para udhëtimit, e pastrova me qumështin (me pambuk) dhe tonikun. Më pas përdora maskën koreane me përbërës nga kërmilli (mos me pyesni çfarë haha).

(Liku për ta blerë)

Përbërësit e maskës Mugwort

E lë maskën për rreth 20 minuta dhe e pastroj me një peshqir të lagur. Duke qenë se nuk ka aromë të shtuar, do mbajë aromë intensive algash. Por kjo është gjë e mirë besoj (😅). Serumin e vë direkt pas maskës, një hidratues të plotë dhe kremin me SPF.

Këtë pamje ka maska

Një detaj që kam mësuar këto vitet e fundit, është se nëse do mbrojtje të mirë nga dielli, SPF duhet të jete veçmas kremit hidratues. Shumë përdorin kremëra që i kanë të dyja, por duket sikur nuk bëjnë as hidratimin dhe as mbrojtjen.

Video e bërë në Avion, pas një udhëtimi prej 4 orësh.

I gjithë sekreti për lëkurën e pastër, pa akne, pa vija të lehta është tek produktet Koreane. Më besoni, ata duhet të jenë 20 vite para sa i përket kujdesit të lëkurës. A i keni parë lëkurat e tyre? Duken të gjithë sikur janë 16-17 vjeçarë!

E kush do ta mendonte që sekreti i lëkurës së hidrauar do vinte pikërisht nga kërmilli!

Posted on Leave a comment

Si do të dukesha po t’më stilonte vetë Gabrielle Chanel

“I bleva të gjitha veshjet që kishte vitrina e atij dyqanit të bukur, dekoruar me lule për pranverë. Njëra më e bukur se tjetra. Po mirë, tani a jam veshur sipas modës?”

Ma tha dikush këtë. Në vetën e tretë dhe jo të parën, por e përshtata pak. Mu duk sikur dëgjova mendimet e mia me zë të lartë. Jam e sigurt që ju ka ndodhur dhe ju. Edhe pasi keni shkuar në punë një ditë më vonë, jeni mburrur me veshjen. E di. E di. Ajo shitësja dje, ishte plot vetbesim dhe këmbëngulëse. Më fitoi që tek fjalia e dytë kur tha se të njëjtën veshje e ka veshur dhe Kylie Jenner, ose një nga motrat e bukura pasanike.

E pash veten në pasqyrë dhe mu duk bukur shumë.

Po a jam veshur vërtetë sipas modës? A do di ta kuptoj nëse jam veshur me stil? Shitësja e butikut të bllokut dukej me shije.

Gabrielle Chanel një herë tha se eleganca nuk del kurrë nga moda. Po a dukem elegante?

E mendova veten në atelienë e Coco Chanel, rrethuar me luks. Që sa hyn ndjehet një aromë parfumi i kushtueshëm. Copa tweed, mëndafsh Persian majtas, plot me ujëra e ngjyra të bukura. Mbizotëron bardhezi-ja. Mbizotëron sharmi parizjen, edhe ai vintage. Duket sikur Michelangelo i ka skalitur vetë me dorën e vet edhe shandanët. Edhe lulet janë të fresketa, tulipanë dhe manjola.


Dekorimet janë të ngarkuara, por veshjet jo. Të thjeshta, tek-tuk perla. Kopsat bien në sy gjithandej. Edhe manshetat. Edhe këpucët. Duken si të qepura në parajsë! Çdo gjë është në vendin e duhur. Supi, detaji kryesor i xhaketave përshtatet si dorezë me përmasën tënde. Timen, në këtë rast.

Chanel do të më vishte me të kafta në mëngjes. Pse? Po se kam flokë e sy në ngjyrë të kaftë mjalti. Edhe do më sugjeronte, që këmisha dhe astari i xhaketës duhet të jenë në të njëjtën copë dhe dizajn. Edhe ngjyrë. E di që do më sugjeronte fund të shkurtër dhe këpucë me lëkurë aligatori. Çanta patjetër do ishte double flap, por e zezë. “Kafja dhe e zeza janë martesë e bërë në Parajsë, zonjushë.”- do thoshte me vendosmëri.

Perla një varg, masa më e vogël e mundshme. Sa për detaj minimalist.
Edhe pak nga parfumi i saj i preferuar, Coco nr. 5. Dukem sikur do shkoj të pi kafe në Ritz. Ose Hilton. Ndjehem “million dollar baby”. Dhe dukem ashtu. Tamam sikur të më kishte stiluar vetë Gabrielle Chanel në Paris!

Posted on 2 Comments

Let me tell you about Shawn Richendollar, a photographer like no other


When I first met Shawn Richendollar, I thought he looked like the men of Hollywood in the 1950’s. I can still remember the details of his floral bowtie and the panama hat he was wearing the first day. When you meet artists and talented people, somehow they make you dream of a beautiful and peaceful world. You get their vibe the first moment they bump into your life. A vibe you want to last as long as possible. It’s an amazing gift. 

Shawn was not an actor or movie star though it was hard to believe. He was able to transform my simple pose into an entire scene. Many photograph the image of a beautiful person without capturing the soul.
Shawn did both.

Our session was scheduled at 10 AM about 30 minutes from home. That means that in Albania I would have left home between 10 and 10:30 but I was in America so my ride left at 9:30 whether I felt ready or not. I am still getting used to American punctuality but we made it on time.

His studio, was on the ground floor of his Ohio villa. As we entered his farmhouse styled home I was immediately impressed by the coziness of the beautiful wood furniture, rocking chairs, antiques and pictures.

I can’t say that my portable wardrobe with which I traveled to Ohio was worthy of being photographed. Most of the outfits were part of my capsule wardrobe, which I had worn dozens of times. A couple of days before the photo shooting I decided to go shopping. Shops here in the USA are not the the same as the one’s in Europe. I love blazers, shirts and sometimes cute dresses. And it was hard to find in just couple of days, a made-to-measure double breasted blazer. Or a good quality white shirt. Or a pair of jeans that will fit perfectly. So, I had to be creative with the clothes I had.

We managed to take two and a half hours of photos with 4 outfits from my capsule wardrobe. I don’t know if we did a great job but at least we had some fun! You may be surprised to you see a t-shirt turned into a vest, a men’s shirt on a jacket and suede boots on pants. If you are curious about the results I was thrilled with the photos! And let me tell you this, the photos were even more beautiful than I could imagine. It was the whole aesthetics I fell in love with and I am sure you will too.

Thank You Shawn, for making me feel like a movie star for just a couple of hours, at your beautiful villa in Ohio. You have inspired me more than you can imagine. 

You can find Shawn here 👉🏼 “Shawn Richendollar

Posted on 2 Comments

Me triko leshi është dhe moda

Deri para viteve ‘90, trikot e leshta punoheshin nga gjyshet me ato shtizat karakteristike rozë. Kush kishte gjyshet më të talentuara për punime dore, kishte nga ato trikot me motive gërshetash, gjethesh, pom-pom dhe disa ngjyrshe. Nuk mbaheshin për veshje sqimatare, ama të mbanin ngrohtë në dimër.

Sot ama kanë ndryshuar shumë kohët. Vetëm tani që po shkruaja artikullin, më erdhën në mend 8 lloje të ndryshme trikosh të cilat do dukeshin shumë chic. Sepse me trendin e ri, mund të krijosh plot kombinime me to, madje nuk kanë as kufizim. I vesh me xhinse, pantallona kostumi, funde laps, funde me pala, funde chiffon të holla etj.

Madje dhe këpucët që kombinohen me to, janë kaq të bukura!


Kombinimi më interesant i trikove është pikërisht ky me getat me printe. Qofshin të bardha, të zeza, për ato më guximtaret edhe të kuqe. Përveçse duken plot sharm, janë dhe të ngrohta. Për paradite nuk ke nevojë të veshësh as xhaketë ose pallto sipër.

Me këmisha poshtë duken akoma më interesante, madje i vishni edhe në zyrë. Ndaj mos ngurroni, hapni dollapët dhe kontrolloni për trikot e gjysheve. Nëse i keni dhuruara apo hedhur, keni plot tek Mango, Zara apo H&M. Të preferuarat e mija i gjeni tek Marks and Spencer. Epo, shopping të mbarë!

Posted on Leave a comment

Kur ke këpucë një ngjyrshe, shtoji një palë vathë! Si ato që kisha unë dje

Nuk e kuptoi njeri, se sferat me ngjyra që kisha mbrëmë tek eventi ku i uruam mirë se ardhjen parfumit francez, Guerlain, ishin vathë. Eventi i Prestige Group, të cilët sollën Aqua Di Parma, The Merchant Of Venice, dhe tani Guerlain, u organizua në Padam. Përpara se të krijoja veshjen, pyeta shoqërinë time të Instagram për ngjyrën e getave që do vishja. Dhe meqë shumica votuan nr. 2 (getat që vesha si përfundim), s’e bëra dysh. Në bazë të tyre zgjodha dhe këpucët.


M’u dukën shumë të thjeshta! Ndaj, po vrisja mendjen si t’i bëja pak më interesante. Këpucët i kam blerë tek Zara, vjet. Vathët kanë mbi 5 vite në kutinë e aksesorëve. Janë “clip on”, ose me kapse. Vihen lehtësisht tek “V-ja” e këpucës, pa e dëmtuar. Ndaj pa u menduar më gjatë, i vendosa. Dukeshin shumë ndryshe, sikur nuk ishin të njëjtat këpucë. Për më tepër, askush se vuri re që ishin vathë. Po j’ua tregoj më poshtë dhe lini komentet tuaja.

Subscribe to our newsletter!

Posted on Leave a comment

A është e tepërt të kujdesesh për lëkurën E trupit? Apo mjafton kremi hidratues?

Dua t’ju kërkoj që për një minutë të sillni ndërmend herën e fundit që keni bërë një scrub të thellë trupi. Po flas për ato herët kur jeni rehatuar në krevatin e bardhë, në dhomën gjysmë të errët, duke pritur duart e estetistes. Jeni aq rehat sa për një moment shkëputeni nga realiteti duke u përhumbur në aromat terapeutike dhe masazhin e çlodhës. Nëse nuk ju kujtohet, atëherë ka ardhur koha të vini e të provoni vendin për të cilin do t’ju flas sot.

Unë dhe Evi sot tek Skeyndor

Edhe për trupin do bëj trajtime? Ohu! Sikur të mos mjaftonin paratë që shpenzoj për fytyrën! E këtij mendimi kam qenë dhe unë. Ndaj mos u ndjeni keq. Dy gjëra që i kam mësuar, e para është se trajtimet e trupit nuk janë aq të kushtueshme sa ato të fytyrës, edhe pse bëhet fjalë për sipërfaqe më të madhe. Dhe e dyta, një trup i hidratuar dhe i pastruar nga qelizar e vdekura, është po aq i bukur sa fytyra pa akne apo papastërti.

Maska “Led” e cila ndihmon në përthithjen e kremit.

Këtu jam unë, nuk është fragment i shkëputur nga “Star Wars”. Maska që kam vendosur është e domosdoshme për përthithjen e kremit. Por mos u shqetësoni sepse nuk do shpenzoni rrogën e 13-të për këtë trajtimin. Është brenda paketës së sugjeruar nga estetisja e Skeyndor, sallonit tek i cili më ftoi Evi, mikesha ime. Si person skeptik, m’u deshën disa ditë të mblidhja mendjen dhe të shkoja. Unë jam gjithnjë në kërkim të SPA- ve të reja me teknologji novatore. Përveçse provova trajtimin anticelulit, vajza më bëri dhe një pastrim fytyre dhe trajtim për lëkurën time të yndyrshme.

Pas trajtimit të fytyrës

Duket edhe në foto që muskujt janë të tërhequr dhe të tonifikuar. Ka një shkëlqim për shkak të hidratimit, por pa prishur balancën. Nuk dua të zgjatem me fytyrën sepse doja t’ju tregoja trajtimin e trupit.

Pasi më bëri scrub, u relaksova për 10-15 minuta. Vijoi masazhi i lehtë dhe kremi i cili kishte efekt ftohës (për lëkurat delikate me tendencë skuqjeje). U bëra mumje! (Haha), por më pëlqeu!

Nuk ishte vetëm masazhi që të relaksonte, por ambjenti ishte dizenjuar për të të ofruar shërbimin më cilësor. Unë bëra një trajtim anticelulit ( siç e kam sqaruar tek videot në Instagram), i cili qe intensiv dhe mjaftonin 4-6 seanca.
Nuk kishte ato dhimbjet e bezdisshme, ndaj rekomandohet dhe për lëkura të ndjeshme si e imja.
Ishte një orë e shpenzuar me cilësi kushtuar sipërfaqes më të madhe të lëkurës që kemi. Do t’ju sugjeroja, të mos blinit një palë këpucë këtë muaj, por të provonit një trajtim të specializuar trupi. //Stela Sallaku

Posted on Leave a comment

Po t’i bësh pushimet këtu, do të duket vetja si jashtë shtetit

Nuk e di kur ka qenë hera e fundit që kam qenë në Sarandë, por më kujtohet shumë mirë ndjesia që më dha. Aspak mikpritëse, njerëz që flisnin gjuhën greke më mirë se shqipen, gatime europiane në teori, por realiteti ishte larg dhe dhoma me mobilje të zeza druri. Ndaj kur më thanë që duhet të shkoja prapë më kapi paniku!

Vendosa të pyes mikeshat e Instagram-it me një postim.

Disa mesazhe erdhën për Bougainville Bay Resort & SPA, ku vajzat që kishin qenë më herët aty, kishin patur eksperienca mbresëlënëse. Si tip skeptik dhe kurjoz fillova ta shoh me vëmendje website-n dhe rrjetet sociale të resortit. Nga arkitektura më kujtoi Spanjën, por dhe Santorinin deri diku. Mozaikët e brendshëm pastaj më sollën në mend ndërtimet e lashta greke dhe romake. Komentet nga vizitorët ishin nga më të mirat. Ndaj vendosa të qëndroj aty për fundjavën.

Që sa futeshe tek holli të dukej vetja sikur nuk ishe në një hotel të zakonshëm. Çdo gjë ishte në vendin e vet, lulet nuk mungonin dhe as buzëqeshja e stafit. Kishte një pozitivitet në ajër, që dallohej direkt. “Mirë se vjen Stela!”, dhe duke më buzëqeshur, vajza shumë simpaike tek recepsioni, më dorëzoi kartën. Nuk u përqëndrova shumë tek sqarimi që po më bënte për orarin e mëngjesit, SPA-në që ishte në katin më poshtë, numrin e telefonit të recepsionit apo lavanderinë (ndaj s’kisha nevojë as për hekur me vete sepse mendonin ata për të gjitha), sepse ia kisha ngulur sytë kupolës me ngjyra në të majtë.

Muret kishin detaje lulesh pa fund! Dyshemeja po ashtu. Ndoshta do më duhej një libër për të përshkruar detajet me imtësi. Madje edhe ashensori ishte i kuruar, sa mund të bëje ato “selfiet” e famshme.

Mund të vizitosh edhe Korfuzin brenda ditës, sidomos për ne që i kemi qejf udhëtimet spontane. Nuk dua t’ju bezdis me fjalë, sepse nuk do arrija t’i thoja të gjitha, ndaj po ju lë t’i shihni vetë detajet. Disa mbase i keni ndjekur live, por një gjë di me siguri: m’u duk vetja sikur nuk isha në Shqipëri!

https://youtu.be/OO63t_qfDfg
Posted on 1 Comment

Kjo është kravata e gjyshit tim, i cili sot duhet të kishte ditëlindjen

Unë kam qenë gjithnjë e fiksuar pas veshjeve mashkullore. Dhe besoj më ka ardhur natyrshëm duke parë gjyshin ose babin teksa lidhnin kravatën tek pasqyra e korridorit. E mësova dhe unë se si lidhej, pastaj krijova nyjen e personalizuar timen.

Aksesorët e kostumit mashkullor më pëlqenin edhe më shumë se veshja. Kapsja e kravatës, zinxhiri i jelekut, mbajtësja e mëngës së këmishës, etj.

Nuk konceptohej dot në 1995-sën të vishje kostum me kravatë, dihet. Ama askush nuk ta ndalon dot fantazinë. Dhe unë si fëmijë që rrija gjithë ditën me gërshërë e gjilpëra nëpër duar, kisha filluar të programoja gardërobën e ardhshme.

Sot po! Mund t’i vesh pa asnjë mëdyshje! Sëfundmi më keni parë shpesh me kostume e jelekë, butona këmishash dhe kravata. Mendoj se janë gjërat më të bukura të gardërobës time, sidomos kravata që kam vënë sot. Përveçse ka një histori pas, nuk është e rastësishme dita që e kam vënë.

Ky është gjyshi im, i cili fatkeqsisht nuk jeton më. Dhe sot ka patur ditën e lindjes, në të cilën vendoste gjithmonë kravatën që kam unë sot. Më erdhi shume instiktive të mbaja këtë sot, pa e menduar se ç’datë ishte.

Dhe kur u kujtova, u emocionova që kisha vënë kravatën e gjyshit pikërisht në ditën e tij të lindjes!

Posted on Leave a comment

2 fustanet që më pëlqyen sot tek Zara

Thuajse të gjitha fustanet në material chiffon, pra të holla dhe të derdhura, dizenjohen me dekolte të theksuara. Si ky që provova sot tek Zara.

Kjo bëhet sepse zakonisht këto lloj materialesh nuk kanë elasticitet, pra detyrimisht janë jo fleksibël ndaj formave. Ose duhet të ndërtohen me penca që t’i përshtaten trupit. Më pëlqeu shumë ky dizajni, ndaj dhe e zgjodha nga koleksioni i ri. Për darkë do e vishja dhe kështu, ama për paradite duket paksa i ekzagjeruar. Ndaj e provova ndryshe, me një bluzë të pambuktë nën të.

Mund ta vesh me xhaketë xhins lart, ose me një rozë që kam qepur dy vite më parë. Ishte interesant si prerje, madje më pëlqyen dhe pjesa e brendshme e kopsave.

Meqë jemi tek sezoni i jeshiles, zgjodha dhe një për këtë stinën tranzitore. Kishte astar të pambuktë dhe tyl me pika lart. Me rripa dhe dekolte, por e bukura është që edhe këtë mund ta shtresëzoj me t-shirt, këmishë a gjysëm golf.

Nëse dua ta theksoj akoma më shumë, e vesh me një palë sandale jeshile fosforeshente, çorape të zeza dhe xhaketë xhins të zbardhur.